February.

Capture.PNGKhat likhne ki fursat nahi tujhe aur yahaan mera khuda mujhse naaraaz baitha hai kyunki aajkal main unse pehle tere naam ka aazaan karne lagi hoon. Suna hain, aajkal tu heero ke mahal mein rehta hai,  har din ka mol lagana aata hai tujhe? Sahab, kabhi itminaan ke do pal mile, toh aanaa, puraane thikane pe, puraane dino ko yaad karenge. Aaj bhi sabkuch waisa hi hai jaise tab that- bas, hamari umr aur, aapki zarooratein, kuch badal si gayi hai. Milenge, par pehle jaisi baatein nahi karenge kyunki shaayad aap ab us puraani hasi par bhi daam laga de. Ek khel khelenge, saudebaazi ki- pesha hai na,  aajkal ye tera? Main kuch cheez dau pe lagaungi aur tu uska daam batana. Dekhte hai teri daulat meri amaanaton ko khareed paati hai ya nahi. Sabse pehle lagegi boli…yaadon ki. Wo yaadein jo ab tere liye kuch maaine nahi rakhti aur jin yaadon ko samete mai har shaam jeena seekh leti hoon. Un yaadon se mili sukoon ko tere moti nahi khareed payenge yaaraa- shayad hi koi kimti heera us gulaab jaisa kimti hoga, jo tu mere liye tod ke laayaa tha. Un waadon ki boli lagaane ki zoorrat bhi na karna, kahin uska daam chukate chukate tujhe apne aap ko hi na bechna pade.

Chalo, pehli baazi toh meri hui. Ab dusri baazi, ishq ki lagayi jaaye. Sirf mere ishq ki- tera hissa toh kab ka dum tod chuka. Arey.  Soch bhi raha hai? Mohabbat ka talaffuz toh tujhe aataa nahi, tu kya mere pyaar ki boli lagaega. Abhi bhi bazi lagaani hai toh mere duaaon ki baazi lagate hai. Un duaaon ki, jinme mai haar roz mere khuda se ye dua karti hoon, ke wo tujhe duaa karna sikha de, toh shaayad tere rooh ki gareebi us duaa ki daulat se dur ho. Us dua me itni taakat ke woh tujh jaise ko bhi ameer bana de- use khareed paega?

Teeno baaziyaan jeet gayi main. Par, tujhe haartaa nahi dekh sakti. Aakhri baazi, apne aap ki lagaa dungi; mera khudme kuch bacha hi kahaan hai jo kisi heere ki bhi zaroorat pade. Bas, ek duaa maang lena, bik jaungi.

Ek guzaarish hai, mujhe mujhko phir waapis mat kar dena kyunki iss baar shayad mera khuda bhi mujhse kuch zyada hi naaraaz baitha hai; shaayad wo mujhe dua ki daulat ke jagah par koi heere-moti hi de de.

Itni gareebi mein main nahi ji paungi.

Advertisements

2 thoughts on “February.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s